No sloknar solbrannen ute.
Eldblomen bjart brenn ned.
Det mørknar alt. Du gjekk ifrå meg nyss,
og fela di tok du med.
Du spela, og under bogen
ustanseleg blomar spratt,
eg satt i eit endelaust blomeregn
- No kan eg ikkje finne dei att.
Er dei alt visne, alle?
Hell var det ikkje meg dei gjaldt?
Hell tok du dei med da du gjekk i stad?
- Helst har eg vel drøymt det, alt.
Halldis Moren Vesaas
Ingen kommentarer:
Legg inn en kommentar