Eg har mange gode bøker eg har byrja på, men aldri klart å lest ferdig. Når dei siste sidene er igjen, så stoppar eg. Mistar interessa kanskje. Eg orkar iallefall ikkje lese resten. Orkar ikkje at det skal ta slutt.
Eg hatar når noko flott sluttar, når ei hending endar og eg må vende tilbake til mitt nitriste liv. Når eit tv-program sluttar. Eit godt måltid er havna i magen og du er stappmett og ekkel. Når du veit du må heim, men skulle ønske du kunne vore med han resten av kvelden. Natta. Livet.
Eg hatar når noko tar slutt og eg blir åleine med meg sjølv igjen. Utan boka. Utan maten. Utan han.
Åleine. Med meg sjølv.
Ingen kommentarer:
Legg inn en kommentar